Maitantan pay laeng ti pannakaiwaras ti nayon a P1,000 nga honoraria kadagiti mangisursuro ken dagiti poll worker a nagserbi iti 2025 midterm elections, kas pinasingkedan ti Commission on Elections.
Segun ken ni Chairman George Erwin Garcia, Mayo 19 da laengen a naawat ti pakaammo kalpasan ti kiddaw ni Presidente Ferdinand Marcos Jr., ngem siguradoenda a maawat dagiti poll worker.
Maited ti nayon a P1,000 kadagiti amin nga electoral board member iti pagilian, malaksid pay iti immunan a P2,000.
Inaprubaran ti Department of Budget and Management6 ti P758,459 a pondo kas panagyaman kadagiti nagserbi idi eleksyon.
Gapu dayta, ti baro nga honoraria dagiti miembro ti electoral board ket P13,000 iti Chairperson, sag-P12,000 iti poll clerk ken third member, idinto a P9,000 ti maala ti support staff.
Dagiti miembro ti volunteer staff manipud iti Department of Education ket P12,000 kadagiti supervisor, P9,000 iti admin support staff, ken P10,000 met kadagiti supervisors tech support staff.
