VIGAN CITY – Maiwaras kadagiti nadumaduma nga ospital nga adda iti COVID19 Facility na ditoy region 1 dagiti bakuna manipod Sinovac.
Iti pannaki-uman ti Bombo Radyo Vigan kenni Dr. Valeriano Lopez, Regional Director ti DOH Region 1, manarimaanen iti pannakaisimpa na iti pagna deliver dagiti bakuna kadagiti nadumaduma nga ospital kas ti Region 1 Medical Center, Pangasinan Provincial Hospital, Ilocos Traning and Regional Medical Center, La Union Medical Center, Mariano Marcos Memorial Hospital, Ilocos Sur Provincial Hospital ken Laoag City General Hospital.
Medical Frontliners laeng dagiti mabakunaan iti Sinovac karamanen dagiti job order ngem nakadependar kadakuada no agpabakunada.
Nagpalagip ni Valeriano kadagiti umili a natalged dagiti bakuna ta inaprobaran ti Food and Drug Administration.
Kinumpirmaran met ni Dr. Trina Tabbog Talaga nga adda iti nasurok lima gasut a bakuna a sumangpet idiay Ilocos Sur Provincial Hospital Gabriela Silang.
