gtultuloy ti panagimbestigar dagiti pannakabagi ti linteg ti Licuan Baay Police Station iti probinsia ti Abra no ania ti rason ti pannakaiwalang dagiti agama.
Dagiti agama ket nabigbig a da Alex Borreta ken ti putotna a ni Richard nga agtawen iti sangapulo ket pito, taga-Barangay Agtangao, Bangued.
Iti pannaki-uman ti Bombo Radyo Vigan ken ni PLT Jerry Granel, alas syete iti rabii idi rimuar dagiti agama manipud iti pagtaenganda agingga nga idi madanon ti alas tres iti parbangon ket saanda pay a nakasangpet isu a tinawagan ti pamiliada ngem saanda a makontak.
Innayon ni Granel nga awan met ti madi a record dagiti biktima iti lugarda isu nga agtultuloy ti panangsapulda iti ebidensya para iti pannakasulbar ti kaso.
Maipalagip a nasarakan dagiti biktima babaen iti maysa a konsehal a limmabas iti kasamekan a lugar.
Nagsagaba dagitoy iti tama ti paltog ti ulo ken dunor iti pammagkong iti tengngedda.
Narekobre manipud iti lugar ti dua nga empty shell ken bala para iti caliber 46 ken dua nga empty shell para iti caliber 5.56 Armalite rifle.
