VIGAN CITY – Naituding inton March 3 ti awarding dagiti nangabak iti Street Dancing Competition para iti Panagbenga Festival 2024 idiay Baguio City a nakangabakan ti Narvacan contingent kas 2nd place.
Iti pannaki-uman ti Bombo Radyo Vigan ken ni Rowena Salva, Principal ti San Pedro National High School iti ili ti Narvacan, kaduadanto ni Mayor Pablito Sanidad a mangawat iti award.
Kunana a nagserbi a preparasyondan ti isasalida iti Ilocos Sur Festival Street Dancing ket adda laeng idi tallo nga aldaw a preparasyonda sakbay ti isasalida met iti Panagbenga Festival.
Inyebkasda met ti panagyamanda iti mayor ken dagiti opisialna para iti suportada – morally, financially ken emotionally.
Nupay kasta, naragsak met dagiti participant iti nagun-odda a pammadayaw a daytoy ket bunga iti panangipakatda iti laingda nga agperform.
