Sinitar ti Malakanyang ti National Commission of Senior Citizens ken Anti-Red Tape Authority a sulbaren ti reklamo dagiti sumagmamano a senior citizen a saan pay a nakaawat iti P10,000 cash gift-da iti salinong ti Expanded Centenarian Act.
Segun ken ni Palace Press Officer Atty. Claire Castro, naipadanonen ken ni Presidente Ferdinand Marcos Jr ti reklamo dagiti sumagmamano a senior citizen isu a binilinna ti ARTA nga agtignay nga insigida ket sulbaren ti isyu.
Innayonna nga adda naituding a taripnong inton Agosto 28 ti ARTA, NCSC, dagiti LGU a karaman ken dagiti nagreklamo a senior citizen.
Impasigurado ni Castro nga agtultuloy nga akman ti gobierno ti trabahoda para iti pagsayaatan dagiti senior citizen ken dagiti adda parikutna ket nakasagana ti ARTA a mangtaming iti parikut iti sektor dagiti senior citizen.
