--Ads--
Kiniddaw ni Senador Pia Cayetano iti Senado a siguradoen a maisubli ti P60 billion iti Philippine Health Insurance Corporation, kas maisurot iti pammilin ni Presidente Ferdinand Marcos Jr a naituding iti 2026 national budget.
Segun ken ni Cayetano, naituding iti 2026 General Appropriations Bill ti nasao a pondo a pinabileg ti House of Representatives, isu a nasken a mairaman iti final General Appropriations tapno matungpal ti pammilin ti presidente.
Nadakamat ni Cayetano ti probision iti Universal Health Care Act ken Sin Tax Reform Laws of 2012, ken 2019 a nasken a mapondoan ti universal health care manipud iti naituding a mapastrek manipud iti sin tax para iti Philhealth.
