VIGAN CITY – Kontraen ti Parish Pastoral Council for Responsible Voting (PPCRV) iti maisingsingasing a pannakaisubli ti manu-mano nga eleksyon ditoy pagilian gapu kadagiti naduma-duma nga isyu iti kalkalpas a May 13 midterm elections.
Segun ken ni PPCRV Spokesman Arwin Serrano iti pannaki-uman ti Bombo Radyo Vigan, naibaga na a saanen nga epektibo iti manu-mano nga eleksyon ditoy pagilian gapu ti kina-adu dagiti kandidato nga agpapili.
Innayon na pay a saan a mabalin nga iyarig iti sabali a pagilian iti eleksyon ditoy pagilian ta adu dagiti partylist nga agpapili nga isu iti mangnayon iti atiddog a listaan dagiti kandidato tunggal duteng iti eleksyon.
Immunan nga inbaga ni Buhay Partylist Rep. Lito Atienza iti pannaki-uman kenkuana ti Bombo Radyo Vigan a masapul a maisubli iti manu-mano iti eleksyon ditoy pagilian tapnu maamuan nga insigida nu siasino dagiti mangswitik iti resulta na.
Excerpt of an interview with BUHAY Partylist Rep. Lito Atienza
