Generally peaceful ti siudad ti Vigan iti panangisayangkat ti May 2025 National and Local Elections.
Iti pannaki-uman ti Bombo Radyo Vigan ken ni PLt. Amado Somera iti Vigan City Police Station, napagtalinaed dagiti pannakabagi ti linteg ti linak ken talna kadagiti amin a polling precinct iti siudad bayat ti eleksyon.
Segun ken ni Somera, nu maipanggep ti liquor ban ket awan ti nairekordda a naglabsing ta patienda a nagbalin nga epektibo ti panangpalpalagipda kadagiti umili a saan nga aginom, aggatang, agilako ken agiwaras.
Iti baet a sag-dua laeng a polis tunggal presinto ket adda dagiti force multiplier a nangtulong kadakuda a nangpatalinaed iti nakappia nga eleksyon pakairamanan dagiti barangay tanod, BPATS wenno Barangay Peacekeeping Action Teams, ken Non-Government Organization.
VIDEO – PLT. AMADO SOMERA
