--Ads--
VIGAN CITY – Planplanwenen ti Provincial Tourism Office no kasano ti pamay-anda iti pannakarambak ti Kannawidan Festival ditoy probinsia inton umay a tawen.
Segun ken ni Provincial Tourism Officer Ryan Astom, mangar-aramiddan ti budget proposal para ti nasao nga event ken no planplanwendan no ania dagiti aktibidad a maaramid.
Ikagkagumaan ti provincial government a maisublin ti dati a wagas ti panangselebrar ti Kannawidan Festival tapno maipakita met laeng ti kultura ti probinsia ken maadaptarto dagiti sumarsaruno nga henerasyon.
Maipalagip a natuloy ti pannakaisayangkat ti Kannawidan Festival idi Enero ita a tawen ngem limitado laeng gapu ti pangta ti Covid19 pandemic.
-- ADVERTISEMENT --
