VIGAN CITY – Inaprubaranen ni Gov Ryan Singson ti rekomendasyon ti Vigan City Covid19 Task Force a maisakup ti siudad iti General Community Quarantine.
Gapu ti dayta, binilin ni Mayor Juan Carlo Medina dagiti Barangay Officials ken ti kapulisan a mangipatungpal ken mangbantay iti siudad tapno masigurado met laeng a masursurot dagiti guidelines.
Natakuatan a dagiti naudi a kaso a namonitor ket na-trace manipud kadagiti gathering, birthday party, drinking session, ken panangdadanggay isu nga uray naisakup iti naluklukay a quarantine classification ti siudad ket saan a maipalubos dagiti nasao nga aktibidad gapu ti local transmission ken gapu ti kinarisgo ti Covid19.
Nupay kasta, nagpalagip ti mayor kadagiti umili nga agtalinaedda iti uneg ti pagtaenganda ken sumurot iti health protocol.
