Pannakairuar a nasapsapa ti yearend bonus ken cash gift kadagiti government workers, inaprobaran ti DBM
Inaprobaran ti Department of Budget and Management (DBM) ti nasapsapa a pannakairuar ti yearend bonus ken cash gift dagiti personnel ti gobierno, kas panangsurot ti Budget Circular 2024-3.
Ti budget circular ket inamyendaranna ti Section 6.1 ti Budget Circular 2016-4 a mangipaay kadagiti pagannurotan iti pannakaited ti yearend bonus ken cash gift.
Naaramid ti pannakabalbaliw tapno maited ti year-end bonus dagiti empleado ti gobierno a katukad ti maysa a bulan a basic pay manipud October 31 ken cash gift a P5,000 a maigiddan iti umuna nga agency payroll para iti bulan ti Nobiembre ti agdama a tawen.
Kadagiti napalabas a tawen, ti yearend bonus ken cash gift ket kadawyan a maited kadagiti qualified government employees a saan a nasapsapa ngem November 15.
