Pinasingkedan ni House Secretary General Reginald Velasco a maipasan ti tallo nga impeachment complaint kontra ken ni Vice President Sara Duterte iti Office of the Speaker ita a lawas.
Naituding nga agleppas ti sesyon ti kamara inton Biernes, Pebrero 7 ken naituding nga agsubli inton Hunyo 2.
Immunan a pinasingkedan ni Velasco a sumagmamano a miembro ti kamara ti nagkiddaw ti naan-anay nga oras kenkuana tapno makaipila iti maikapat nga impeachment complaint.
Umabot iti 103 miembro ti kamara ti nasken a mangiyendorso ti impeachment complaint tapno maipan iti Senado nga isu ti agdesisyon ken agserbi nga impeachment coirt.
No mapasamak daytoy, saanen a kasapulan pay iti House Committee on Justice a mangisayangkat kadagiti panagdengngeg para iti impeachment complaint.
