VIGAN CITY- Pappapartaken ni Department of Education Secretary Leonor Briones ti pannakaipila ti kaso kontra iti mangisursuro manipud Cebu City a mapapati a nangmolestiya iti maysa nga atleta ti 2018 Palarong Pambansa.
Ti press briefing nga insayangkat ni Deped Undersecretary Tonisito Umali, inbaga na nga inbilin ni Briones iti pannakaipila iti administrative case ken mapapartak iti imbestigasyon kontra ken ni Rodymar Lelis, agtawen iti dua pulo ket walo ken mangisursuro idiay Cebu City.
Inbaga ni Umali nga uray nu natibker iti ebidensiya kontra ken ni Lelis, kasapulan a dumalan iti usto a proseso ta nu mapaneknekan a nagbasol, rumbeng na laeng a madusa.
Maipalagip nga idi napan a lawas ket naireklamo ti suspek gapu iti panangarakup ken gandat na a panangbisong iti maysa nga atleta nga agtawen iti sangapulo ket uppat a nakursunadaan na idi napan nagbuya iti dancesports competition idi manarimaan iti 2018 Palarong Pambansa.
