Iti baet ti pannakaabak ni Cebu Governor Gwendolyn Gwen Garcia iti 2025 midterm elections, impasigurado ti Malakanyang nga agtuloy ti P20 per kilo rice program idiay Visayas.
Segun ken ni Press Usec Claire Castro, dagiti serbisyo pampubliko ket saan a nakadepende kadagiti tattao wenno opisial, no di ket iti pagsayaatan dagiti umili.
Innayonna a dagiti programa ket nasken a maiduron babaen kadagiti baro a nabotosan nga opisial tapno matulonga ti masakupanda a lugar.
Ni Garcia, a kaalyado ni Presidente Ferdinand Marcis Jr ti immuna a nangipatungpal iti P20/kilo rice program idiay Visayas kas panangsuporta iti administrasyon.
P4.5 bilion ti inlatang ti Department of Agriculture manipud iti contingency fund ti presidente tapno masuportaran ti pilot implementation ti programa.
