--Ads--
Impatangken ti Malakanyang nga awan ti nayon a politika ti pannakairusat ti P20 kada kilo iti bagas.
Dayta ket kalpasan a kwiunestyunaran ni Vice President Sara Duterte ti timing ti proyekto, mano laengen nga aldaw sakbay ti midterm elections.
Segun ken ni Palace Press Officer Claire Castro, awan ti timing iti panangted ti tulong nangruna nu kasapulan dagiti umili ket agpaut agingga kabaelan iti gobierno.
Inlawlawag manen ni Castro a saan nga insigida a naipatungpal ti programa kalpasan ti campaign promise ti presidente idi 2022 presidential elections ta kasapulan ti naurnos a panagadal ken koordinasyon iti nagbaetan ti national government ken lokal a gobierno.
-- ADVERTISEMENT --
