Patien ti maysa a political analyst a ti pannakaipasardeng ti impeachment trial ni Vice President Sara Duterte ti nagbalin a motibasyon dagiti senador no apay a na-archive ti kaso iti deliberasyon ti Senado idi kalman.
Iti pannaki-uman ti Bombo Radyo Vigan ken ni Atty. Michael Henry Yusingco, ibilangna a biddut ti archival iti impeachment case ta ti desisyon ti Korte Suprema nga ideklarar nga unconstitutional ti kaso ket paset iti paglintegan ti pagilian a nasken a masurot.
Kunana a ti nasken koma a saludsod para kadagiti senador idi kalman ket no ituloyda pay ti trial agsipud ta na-activate da idin ti impeachment court ta adda pay napasamak nga oath taking ken panagisuotda iti robe ngem gapu iti archival of case a napasamak ket kasla saanen a nasungbatan ken saanda a naaramid no ania ti nasken nga aramidenda.
Nadismaya pay ni Yusingco iti deliberasyon dagiti senador idi kalman ta kunana nga ad-adda pay a nagbalinda a content creator ngem senador gapu iti panagpipinnasagid ken panagpakalaingda kadagiti mangsupsuporta kadakuada.
