VIGAN CITY – Nagpalagip ti mangidaulo ti Municipal Disaster Risk Reduction Management Office ken Environment Natural Resources Office ti ili ti Bantay a ni Roberto Reboroso iti pannakaiparit iti agpuor iti basura nangnangruna kadagiti Poblacion Area kas panangsurot ti Republic Act 9003 wennu “Ecological Solid Waste Management Act of 2000.”
Dayta ket kalpasan nga adda iti nagpuor ti basura ken goma nga agnaed idiay Barangay VI, Bantay.
Segun kenni Reboroso, maiparit iti open fire wenno open burning kas linaon iti nasao a linteg ket dagiti aglabsing ket mabalin nga agmuelta iti saan a nababbaba ti tallo gasut aginga sangaribo a pisos.
Adda iti ordinansa a pinutar dagiti miyembro ti sangguniang bayan ti Bantay inaig kadagiti agiwara kadagiti kalkalsada iti nasao nga ili ket dagiti aglabsing, agmuwelta da ti sangaribo a pisos ken ag-community service da pay.
