VIGAN CITY – Agtultuloy ti repacking kadagiti donasyon manipud kadagiti naayat a timmulong iti probinsia kalpasan ti iduduprak ti bagyo Egay, banag a nagyamanan ni Vice Governor Ryan Singson.
Ita nga aldaw, naituding a maiwaras dagiti relief pack kadagiti naapektaran iti ili ti Sta. Catalina ken ili ti San Vicente idinto a sumarsaruno dagiti dadduma pay nga ili.
Segun ken ni Vice Governor Singson, tinexanna amin a mayor iti 1st district ken 2nd district ket maipangruna a maipaayan dagiti nagited iti bilang dagiti evacuee iti lugarda.
Nupay kasta, impanamnama ti bise gobernador ti tulong kadagiti naapektaran ta malaksid kadagiti naidonar ket adda pay naggapu iti Office of the Vice Governor.
Nagkiddawda metten iti tulong manipud ken ni House Speaker Martin Romualdez ken nagikarin ni Vice President Sara Duterte iti tulong.
