VIGAN CITY – Patien ni dati nga Ifugao Rep. Teddy Baguilat Jr. a paset iti diversionary tactics iti Duterte Administration iti pannakairamanna iti listaan dagiti adda kainaiganna iti korapsyon iti Department of Public Works and Highways.
Iti pannaki-uman ti Bombo Radyo Vigan ken ni Baguilat, patienna a ti pannakairamanna ket gapu iti panagpost-na iti social media inaig iti isyu iti Sinopharm a bakuna kontra covid-19.
Inyunay-unayna nga imballatek laeng iti administrasyon iti isyu kadakuada tapno isu iti papanan iti imatang ti publiko ket saanda a mapansin dagiti kangrunaan a parikot a sangsanguen iti pagilian.
Nu pay kasta ket nakasagana isuna a ma-imbestigaran ta natalek nga awan iti makitada nga ebidensya kontra kadakuada ta saanda a nagkurimes iti nasao nga ahensya.
