Kiddaw ti National Unity Party (NUP) iti House Committee on Ethics and Priviledges nga obligaren ni Cavite Fourth District Rep. Kiko Barzaga a dumalan ti comprehensive fitness determination sakbay a makasubli iti trabaho.
Nakalanad dayta iti Manifestation and Motion nga impila ti NUP iti komite a nagipila iti ethics complaint a nagibasaran iti innem a pulo nga aldaw a suspension ni Barzaga.
Ti addang ket kalikagum a maaddaan ti assessment no nakasagana ni Barzaga a mangakem ti trabahona kas agpampanday linteg iti physical, emotional, mental ken moral aspect kasaruno iti intuding ti House Code of Conduct.
Nagibasaran ti kiddaw ti NUP iti agtultuloy a a panag-post ni Barzaga iti social media iti makadadael a content iti baet iti naipataw a disciplinary sanctions iti Kamara.
