VIGAN CITY – Kinumpirmaran ni Ilocos Sur Gov. Ryan Singson nga addan ti local transmission ditoy probinsia gapu iti nagsasaruno a kaso ti COVID19 a kaaduan kadakuada ket sasymptomatic.
Iti pannaki-uman ti Bombo Radyo Vigan ken ni Singson, agtataripnong dagiti mayor ti probinsia tapno mapagpatangan iti posible a pannakaidalan iti modified enhanced community quarantine.
Ingunamgunamna a no enhanced community quarantine ket saan met a nalaka kadagiti dadduma a local government unit ti mangted ti tulong kadagiti residente.
Kabayatanna, kiniddaw ti gobernador iti pannakitinnulong ti tunggal maysa tapno sumurot kadagiti pagannurotan nangruna la unay ti nalawag a panangisurat ti naganda kadagiti logbook tapno nadardaras ti maisayangkat a contact tracing.
