--Ads--
VIGAN CITY – Mapaatiddog pay iti pannakaipatungpal iti Modified Enhanced Community Quarantine (MECQ) iti ili ti Tagudin agingga inton December 21.
Dayta ket kalpasan a pinirmaan ni Governor Ryan Luis Singson iti Executive Order No. 48 Series of 2020 tapno maidalan iti MECQ iti nasao nga ili.
Maipalagip a manipud November 30 agingga December 15 ket naidalan iti MECQ idiay Tagudin gapu iti panagado iti nagpositibo ken pannakakumpirma iti local transmission iti Covid-19.
Gapu iti dayta ket ituloy ti Local Government Unit ti naiyetnag a pagannurutan inaig iti MECQ agingga maleppas iti pawayway nga aldaw a kas maibasar iti Executive Order No. 46 Series of 2020 a napetsaan idi November 28.
-- ADVERTISEMENT --
