VIGAN CITY – Pinasingkedan ni Vigan City Mayor Juan Carlo Medina a nawaya ti siasino man nga agsubli iti siudad ngem adda latta dagiti quarantine facility a nakasagana a papanan dagiti mangayat tapno masigurado a natalged ti pamiliada nga awidanda.
Dayta ket gapu ta adu dagiti mangikidkiddaw met la kadakuada a no mabalbalin a dumalanda latta iti quarantine period sakbay a makaawidda.
Iti pannaki-uman ti Bombo Radyo Vigan ken ni Mayor Medina, kidawendda kadagiti Locally Stranded Individuals wenno dagiti returning resident nga iti maikapat a panagtalinaedda iti siudad ket ma-antigen test da idinto a no dumteng met ti maikawalo nga aldawda ket dumalanda iti RT-PCR test wenno saliva test tapno masigurado a saanda a naapektaran iti Covid19 ken nabalakadanda a limitaranda pay laeng ti makipinnulapol.
Nupay kasta, inallukoy ti mayor dagiti umili nga agpabakuna numan addanton ditoy siudad ti inorderda a doses ti AstraZeneca vaccine tapno nataltalged met la ti pannakailukat dagiti pagadalan ken turismo a patta-pattaenda nga inton Hunyo wenno Setyembre.
