VIGAN CITY – Nagyaman ni Technical Education and Skills Development Authority Deputy Director General John Bertiz kadagiti amin a sumup-suporta iti ahensia kasta payen iti Publicus Asia gapu ti pannakaibilangda kas most trusted government agency.
Iti pannaki-uman ti Bombo Radyo Vigan ken ni Bertiz, patienna a ti nangato nga approval rating ti TESDA ket gapu ti pannakarikna ti kaaduan kadagiti programa nga ididiaya ti ahensia a dumanon pay uray kadagiti nasulinek a barangay.
Impannakkel ni Bertiz ti 94.7 percent wenno 8 out of 12 a nagturpos kadagiti TESDA courses ket naaddaan iti trabaho wenno bukod a pagsapulan.
Gapu dayta, ad-adda pay ti pannakibinnuligda kadagiti local government units ken nadumaduma nga industria tapno pasyaaten ti curriculum ken modules tapno mapataud dagiti baro a skill.
