VIGAN CITY – Maragsakan ti Samahang Industriya ng Agrikultura iti panangdutok ni President Ferdinand Marcos Jr. ken ni Francisco Tiu Laurel Jr. kas baro a secretary ti Department of Agriculture a mangtutok kadagiti parikot iti sektor iti agrikultura iti pagilian.
Iti pannaki-uman ti Bombo Radyo Vigan ken ni Samahang Industriya ng Agrikultura Chairman Engr. Rosendo So, kitaenda iti agbalin nga addang ti baro a sekretarya iti biang ti agrikultura isu a maaddaanda iti taripnong tapno mapagpatangan ti rumbeng a maaramid iti sektor iti agrikultura.
Segun kenkuana, namnamaenna nga uray naggapu iti fishery sector ni Laurel ket ipangruna na latta iti crop, livestock ken poultry iti pagilian.
Kiddawna pay a saan a panag-import, panagbaba ti taripa ken korapsyon iti agbalin a turong ti sekretarya nu diketdi pagsayaatan laeng dagiti umili.
Nupay kasta, sakbay iti taripnong ket namnamaen ti Samahang Industriya ng Agrikultura a makisinnarak ni Laurel kadakuada kaduada ni Senador Cynthia Villar tapno pagsaritaan iti budget para inton sumaruno a tawen.
VIDEO OF SAMAHANG INDUSTRIYA NG AGRIKULTURA CHAIRMAN ENGR. ROSENDO SO
