VIGAN CITY– “Milagro” para kenni Magdalo Partylist Representative Gary Alejano no dutukan ni Presidente Rodrigo Duterte ni Supreme Court Senior Associate Justice Antonio Carpio a sumarano a Chief Hustice inton agretiro ni Chief Justice Teresita Leonardo De Castro , ta saan a dutukan ti presidente ti opisyal a saan na a makontrol
Ti pannakiuman ti Bombo Radyo Vigan, kinuna ni Alejano a nakaikalintegan ni Carpio iti posisyon ta isuna ti “most senior” idiay Korte Suprema ngem posible a saan a makapagtugaw iti pwesto gapu iti nainget a panangilaban na iti West Philippine Sea ken panangkontra na iti joint venture ti Pilipinas ken China iti nasao a teritoryo.
Innayonna a kalpasan iti panagretiro ni De Castro ket dita a makita no takderan ni Presidente Duterte a ti “seniority” ti pudno a pagbasaran na iti panangdutok ti Chief Justice
Nainget met a kinontra ti agpanpanday linteg ti pannakadutok ni De Castro nga inawagan na a bayad iti utang ta agretiron ken awanen ti maitulong na iti reporma iti hudikatora.
