VIGAN CITY – Nakaituding nga agpapatang ti akinkukua ti vulcanizing ken hardware shop a nadungpar ti trak idiay Brgy. Burgos, Sta. Lucia idi alas kwatro y media iti malem idi January 2.
Adda linisyan iti driver ti truck a ni Artemio Libron nga agtawen ti lima pulo ket maysa, naasawaan ken agnaed idiay Barangay 47 Bengcag, Laoag City, Ilocos Norte a maysa met laeng a truck isu a saanna a nakontrol ti manibela ti luganna a rason iti panangarado na iti vulcanizing ken hardware shop nga adda iti igid iti kalsada a kas pinasingkedan ni Police Captain Leonilo Ancheta, hepe ti Sta. Lucia municipal police station.
Nu pay nakaro iti napasamak, saan a nadangran ti maysa a menor de edad nga agbanbantay iti vulcanizing shop a nairana a matmaturog idi napasamak iti aksidente, pakairamanan dagiti pahinante ti truck a da Joshua Valera nga agtawen ti sangapulo ket siyam kenni Victor Valera nga agtawen ti dua pulo ket maysa nga agpada nga agnaed idiay Barangay Sacritan, Pinili, Ilocos Norte.
Mainaig iti dayta, addanto pay ti inventory nga isayangkat dagiti pannakabagi ti linteg tapno maduktalan no mano iti gatad dagiti nadadael kadagiti nasao a shop.
