Nadunor dagiti nagkalubbon iti motorsiklo iti napasamak nga aksidente iti Barangay Bungro, Magsingal, Ilocos Sur.
Ti Suzuki Raider 150 ket minaneho ti lalaki nga agtawen iti duapulo ket maysa, backrider-na ti babai nga agtawen iti duapulo ket maysa nga agpada a taga-Barangay Baclig, Cabugao.
Kabayatanna, ti met blue Mitsubishi Adventure ket minaneho ti lalaki nga agtawen iti innem a pulo ket maysa, taga-Santa Rita, Guiguinto, Bulacan.
Iti pannaki-uman ti Bombo Radyo Vigan ken ni PLT. William Costales, agpapa-abagatan dagiti dua a lugan idin ta nag-overtake ti motorsiklo ngem gimmiddan met a nagovertake ti Mitsubishi Adventure isu a nadungparna.
Mapapati a saan a nag-flasher ti motorsiklo isu a saan a napakadaan ti Mitsubishi Adventure.
Naipaagas iti ospital ti dagiti nagkalubbon para iti naan-anay a pannakatamingna.
