VIGAN CITY -Nagkiddaw ti tulong iti Bombo RAdyo Philippines ti napapatau a dati a kameng ti Philippine Marines a security aide ni ni Vice Mayor Jaja Josefina Disono tapno madalusan ti naganna iti publiko.
Iti pannakipatpatang ti Bombo Radyo vigan ken ni alyas Boy, uliteg ti natay a ni Sandee Boy Bermudo, nsakit iti pamilyada ti agwarwaras iti social media a maysa a terorista ti kameng ti pamilyada a naggapo iti Mindanao.
Segun kenni Boy, dimmakkel ken nagadal idiay Manila ni Sandee ken maysa a dati a mimebro ti Philippine marines ti amana idinto a ti kabsatna a babai ket agdama nga agserserbi iti Marines kasta metten dagiti dadduma pay a kabagyan ken pamiliada.
Innayonna nga immalis laeng iti serbisyo ni Sandee kalpasan ti lima tawen tapno maiyasideg iti pamilya na kangrunaanen kadagiti annakna agingga idi nagtrabaho kas maysa a safety officer, security supervisor ti maysa a firm idinto nga idi nagkapandemya ket simrek isunan kas maysa a security aide.
