--Ads--
Awan ti nadangran iti panagduprak ti ipo-ipo a nakadadaelan dagiti uppat akubo iti WOW Sulvec Beach idiay Barangay Sulvec, Narvacan, Ilocos Sur.
Iti pannakiuman ti Bombo Radyo Vigan ken ni PLT Reynald Ramos, nakaro ti pannakadadael dagiti kubo gapu ta adda dagiti natumba ken naikkat ti ulona.
Kalpasan ti panangdarapos ti ipo-ipo kadagiti kubo ket tinurong na dagiti kay-kayo iti lugar rason ti pannakatwang da.
Dagus a naisayangkat ti clearing operations babaen kadagiti pannakabagi ti linteg ken dagiti maseknan nga ahensia tapno madalusan dagiti nagkaiwara a debris ken masigurado ti kinatalged ken tapno madalanan ti lugar.
-- ADVERTISEMENT --
