VIGAN CITY – Mapan idiay Korte Suprema itatta nga aldaw, April 4, dagiti nagannak dagiti ubbing a natay ta nabakunaan da ti dengvaxia vaccine.
Daytoy ket tapnu agipila da iti baro a kaso ket kiddawen da nga adda iti madutukan a dengvaxia court wennu dengvaxia civil court.
Ti eksklusibo a pannaki-uman ti Bombo Radyo Vigan ken ni Public Attorney’s Office (PAO) Chief Persida Rueda Acosta, naibaga na nga adu pay laeng dagiti nagannak nga agpakpakaasi kenkuana a matulungan da nga agipila iti kaso kontra kadagiti responsable iti pannakatay dagiti annak da.
Idi rabii, napan idiay probinsiya ti Rizal ni Acosta ta napan na kinita ti maika-sangagasut dua pulo ket siyam a biktima iti dengvaxia vaccine a ti inana ket maysa nga Overseas Filipino Worker (OFW) ken ti ama na laeng iti mangtartaripato kenkuana.
