VIGAN CITY – Manarimaan iti pannakasapul ken pannakabigbig dagiti suspek a nangpaltog ken nangpapatay ti maysa a lalaki a stay-in helper iti Tinays Emporium idiay Quezon Avenue, Barangay 1, Vigan City.
Iti pannakipapatang ti Bombo Radyo Vigan ken ni Police Executive Master Sergeant Chester Dandin iti Vigan City Police Station, ad-adalenda dagiti ala ti CCTV footage iti lugar a nakapasamakan ken uray iti aglawlawna para iti pannakabigbig dagiti suspek.
Segun ken ni Dandin, namin-pito a daras a napaltogan ti biktima a ni Conrado Valdez, agtawen iti tallopulo ket uppat, agnaed iti Arangin, Sta. Lucia a gappuanan ti pannakatayna.
Maipalagip a bayat ti panagsimpa iti motorsiklo ti biktima ket kellaat a dimteng ti gunman a nainnayad a nangpaltog kenkuana ken naglibas nga adda pay kakaduana.
VOICE OF POLICE EXECUTIVE MASTER SERGEANT CHESTER DANDIN
Nupay kasta, awan ti rekord ti biktima iti biang ti kapulisan ta naibaga dagiti katrabahoanna a nasingpet ngem amamwenda nu bilang adda nakairamananna idi kallabes.
Allukoyen ni Dandin dagiti nakakita iti pasamak a makitinnulong ket impasiguradona iti seguridadda bayat ti panagsaoda inaig ti nasao nga INSIDENTE.
VOICE OF POLICE EXECUTIVE MASTER SERGEANT CHESTER DANDIN
