VIGAN CITY – Nasayaat nga addang ti panangbigbig kadagiti political hot spot tapno mayetnag iti naan-anay a seguridad kadagiti tattao segun ti Department of the Interior and Locasl Government –Ilocos Sur.
Dayta ket kasaruno iti agsasaruno a pannakapapatay dagiti local chief executive iti pagilian pakairamanan ni Negros Oriental Governor Roel Degamo.
Iti pannaki-uman ti Bombo Radyo Vigan ken ni DILG Provincial Director Randy dela Rosa, ti panangiyulog ti bilin ni Prresident Ferdinand Marcos Jr. ket agbalin a dalan para kadagiti tattao tapno mapakaammoanda ken matignayan dagiti isyu kadagiti lugar ken masalwadan iti amin.
Segun ken ni dela Rosa, mapainget pay iti aksyon tapno mayetnag iti seguridad saan laeng a dagiti umili nu diketdi posible a pannakaideploy dagiti uniform personnel a mangsalwad kadagiti opisyal iti gobierno.
Nupay kasta ket yur-urayda iti bilin ni DILG Secretary Benjamin Abalos inaig iti nasao a banag ta pagpapatangan pay ti maaramid nga addang kaduada ti Philippine National Police, Armed Forces of the Philippines ken intelligence community.
VOICE OF DILG ILOCOS SUR PROVINCIAL DIRECTOR RANDY DELA ROSA
