VIGAN CITY – Imon ti rason iti pannakabagkong ti maysa a lalaki iti Tomila’s Agri Supply idiay Barangay San Jose, Candon City.
Ti biktima ket ni Marvin Ambagued Singaben, agtawen iti uppat a pulo ket walo, agnaed iti Barangay Poblacion, Banayoyo idinto a ti suspek ket ni Danilo Javillo Lagmay, agtawen iti uppat a pulo ket tallo, agnaed iti Barangay Suyo, Sta. Cruz.
Iti pannaki-uman ti Bombo Radyo Vigan ken ni PLt. Col. Jessie Balainang iti Candon Municipal Police Station, ti suspek ket addaan ti live-in partner nga isu iti panna pinasyar ngem nairana nga adda ti biktima a pagim-imonanna isu a napasamak iti insidente.
Segun kenkuana, iti cctv footage ket immunan a naaddaan iti sinnungbat ti nagbaetan ti suspek ken biktima idi nag-video ti suspek isu a sinaludsod ti biktima nu apay nga agvid-video idin nagkinnabilda ket nangala ti getteng ti suspek nga isu iti imbagkong iti namin-ano a daras iti biktima a gappuanan ti pannaka-ospital ti biktima.
Inlawlawag met ti live-in partner ti suspek nga awan iti relasyonda iti biktima ta agpagayamda laeng.
Nupay kasta ket boluntaryo a simmuko ti suspek iti Candon City Police Station isu a maisagsaganan ti kaso kontra kenkuana.
VIDEO – PLTCOL. JESSIE BALAINANG
