Sinigurado ni Senate President Chiz Escudero a maaprubaran iti ad-adu pay a nakapenpen a gakat iti panagsubli ti session inton Enero.
Siguradoen ti Senate President nga ad-adu pay iti maipasa a gakat sakbay a makumikom dagiti senador inton 2025 midterm elections.
Aminado ni Escudero nga agbalin a dakkel a karit iti Senado ti panagrugi ti kampania inton sumaruno a tawen ken ti nabatbato nga aldaw sakbay a malpas ti 19th Congress inton June 2025.
Kinunana a sulitenda dagiti nabatbati a session days tapno agtultuloy a maited iti publiko ti serbisyo a rumbeng kadakuada.
Iti uneg iti innem a bulan ket 108 a gakat iti naipasa iti Senado a pitopulo ket dua ti napirmaan kas linteg iti uneg ti 3rd regular session ken 106 a simple resolution iti inadopt ti Senado ken siam iti concurrent resolutions.
