VIGAN CITY – Kiddaw ti Nueve Waste Management Services nga aganus dagiti Bigueño a manguray kadakuada para iti pannaka-akup kadagiti basura a naurnong gapu ti bagyo Egay.
Iti pannaki-uman ti Bombo Radyo Vigan ken ni Randy Leones a manager iti Nueve Waste Management Services, ar-aramidenda amin a kabaelanda tapno maleppas nga insigida iti trabaho ngem gapu iti kinaadu ken kinapitak dagiti dalusanda ket isu iti pagbayaganda.
Segun ken ni Leones, katinnulongda nga agdaldalus dagiti pribado a sektor ken ti City Government of Vigan babaen ti panangidaulo ni Mayor Bonito Singson.
Inlawlawagna a ti dati a maal-alada ket limapulo a metriko tonelada wenno maysa agingga tallo a trip iti maysa a dump truck kada aldaw ket ita ket umabot ti lima agingga innem a trip.
Nupay kasta ket impanamnamana nga operational amin a dump truck iti siudad tapno maaramat para iti nasao a panagala kadagiti basura.
Namnamaenna nga inton bigat August 2, 2023 ket maleppasen iti Poblacion area tapno maisarunon a madalusan dagiti barbarangay.
VIDEO AUDIO RANDY LEONES
