Vigan City – Bilinen ti Commission on Higher Education dagiti college ken universities nga i-reschedule amin a subject inton second semester dagiti adda laboratory, OJT, internship ken dadduma pay a kasapulan iti physical presence dagiti agad-adal gapu iti pangta iti covid-19.
Segun ken ni CHED Chairperson Prospero de Vera, dagiti laeng regular a klase iti maisayangkat iti first semester kangrunaan dagiti subject a saan a masapol iti physical presence dagiti agad-adal.
Impakammona pay nga agur-uray pay laeng dagiti dadduma a pagadalan inaig iti pammalakad manipod iti lokal a gobierno kangrunaan kadagiti awanan iti internet access ta saanda pay nga ammo iti aramidenda.
Ingunamgunam pay ni Education Sec. Leonor Briones a ti panaglukat iti klase iti pampubliko a pagadalan ket inton August 24 ket nakasaganan dagiti rehiyon iti pagilian para iti panaglukat kagiddan iti pandemia.
Kabayatanna, kinuna ni Briones a ti kangrunaan itatta ket maituloy iti panagadal dagiti estidyante no man pay adda iti pangta iti virus.
