Padpadarasen ni Albay 3rd District Rep. Raymond Adrian Salceda ti Land Transportation Franchising and Regulatory Board (LTFRB) nga iruar iti pagannurotan para iti Pantawid Pasada Program.
Kiddaw dayta ni Salceda iti LTFRB kagiddan ti panagpangato ti presyo iti langis gapu iti riribok idiay Middle East.
Pinasingkedan ni Salceda nga umaboten iti $80 per barrel ti presyo iti langis isu a rumbeng a maisayangkat ti programa nga adda nalawag a pagannurotanna.
Segun ken ni Salceda, idi February 2 pay laeng a kiniddaw iti LTFRB babaen ti House Resolution No. 719 a mangiruar ti guidelines iti fuel subsidy gapu iti pangta a panagatake iti US ti Iran a napasamak idi February 28.
Impaganetget ni Salceda a rumbeng nga agtignay ti LTFRB ta kasapulan a maipakaammo iti publiko no kasano nga i-avail ti programa tapno makapagsagana iti ahensya a mangipatungpal.
