VIGAN CITY – Kiniddaw ni 2nd District Board member Jimboy Singson, chairman ti committee on infrastructure, a tumulong dagiti engineer iti pannaka-monitor kadagiti maar-aramid a proyekto ditoy probinsiya.
Segun kenni Singson, kasapolan a maikkan iti pakdaar dagiti maararamid ken masimsimpa a kalsada tapno maliklikan iti pannaka aksidente dagiti magna a motorista.
Innayon na a dagiti nasao a klase iti parikot inaig dagiti kalsada a maar-aramid ket masapul a maireport kadakuada nangruna nu dagiti nasao a proyekto ket ipapa-aramid ti kapitolyo.
Kabayatanna, nadakamat ti bokal a nu dagiti maar-aramid a proyekto ket masakupan iti salinong ti Department of Public Works and Highways, masapul laeng a maipakaammo kadakuada nu anya dagiti parikot tapnu masolusyonan.
