Vigan City – Kiddaw ni Buhay Partylist Representative Lito Atienza a saanen a maisubli pay iti Enhanced Community Quarantine kalpasan iti panag-second wave iti covid-19 transmission iti pagilian.
Iti pannaki-uman ti Bombo Radyo Vigan kenni Atienza, kinunana a naapektaran la unayen ken saan pay a naka-recover iti ekonomia iti pagilian ta saanen a kabaelan pay no man bilang a maibayog manen iti ECQ.
Gapu iti dayta, kiddaw ni Atienza a iti pannakitinnulong dagiti tattao a sanguen iti pangta iti covid-19 a kas iti panangsango iti sakit a pneumonia, panateng ken gurigor.
Inyunay-unayna iti iti panangsurot kadagiti health protocol ken iti pangbalin a nasalun-at nga isu iti mangipasimudaag iti kinatalged dagiti tattao.
Kabayatanna, kinunana pay a saan a mabain a ti kanayon a solusyon tapno maliklikan iti virus ket iti lockdown ta posible a matay dagiti tattao iti bisin saan a ti sakit.
