VIGAN CITY – Sangapulo ket siam iti nalimlimo gapu iti pannaka-hack iti facebook account ni San Esteban Vice Mayor Dr. Maria Divina Gracia Elaydo-Etalin.
Iti pannaki-uman ti Bombo Radyo Vigan ken ni PSSg John Bryan Dollente nga Investigator-on-Case iti San Esteban Municipal Police Station, immunan a nagreport kadakuada idi kalman (November 14, 2023) iti sangapulo ket pito idinto a ti dua ket itattay laeng a nagturong iti ayanda.
Segun kenkuana, insigida a namati iti friends-na iti social media gapu iti naidiaya a P20,000 a second hand nga IPhone13 pro max isu nga adu iti nagbalin nga interesado ngem saanda nga ammo a na-hack gayamen ti account-na.
Gapu dayta, kiddaw ni Dollente kadagiti amin a gagayyem ti bise mayor a tumulongda nga agreport para iti pannaka-block iti nasao nga account tapno saanen a makabiktima.
Imballaagna met kadagiti amin nga agar-aramat iti social media a nu adda iti gatangen ket masapul a siguradoen a legit iti katransakyon sakbay nga agbayad iti online ta amangan nu ma-scam.
VIDEO – PSSG JOHN BRYAN DOLLENTE
