--Ads--
VIGAN CITY- Napili ti project proposal ti Divine Word College of Vigan kas best project proposal kabayatan ti Gawad Titong Singson Awards idi rabii.
Segun ken ni Bokal Jimboy Singson, napipintas amin dagiti project proposal nga indatag dagiti innem a participant iti nasao a pasalip ngem naidum-duma ken isu ti kapintasan ti kukua ti DWVC ta daytoy ket iti pannakaaramid ti eco-friendly waiting area a maiyannatup iti idurduron ti agdama nga administrasyon a panangsalwad iti aglawlaw.
Dagiti pagadalan a nakipaset ti Gawad Titong Singson awards malaksid ti nangabak a DWVC ket ti University of northern Philippines, macro Colleges, Ilocos Sur Polytechnic State College, Ilocos Sur Community College ken North Luzon Philippine State College.
