Pinasingkedan ni NBI Bangsamoro Autonomous Region in Muslim Mindanao Director Jeremy Lotoc iti Senate Impeachment Court a seryoso ken actual iti mapapati a pangta ni Vice President Sara Duterte kontra kada Pres. Ferdinand Marcos Jr., First Lady Liza Araneta Marcos, ken dati a House Speaker Martin Romualdez.
Iti panagtestigona iti maikapat nga aldaw iti impeachment trial ni Duterte, kinuna ni Lotoc a saan nga agang-angaw ti bise presidente iti pangtana iti maysa nga online press conference idi November 23, 2024.
Segun ken ni Lotoc, nalawag iti utterances ti bise presidente, uray sakbay iti online press conference idi November 23, 2024, nakakontratan ti bise presidente iti tao a mangpatay iti presidente, first lady ken dati nga speaker.
Kinunana a kas chief investigator iti dayta a gundaway, seryoso ti utterances ti bise presidente kasta payen a pudno ken natural iti pangta.
Sakbay a nadutokan kas regional director iti NBI-BARMM ni Lotoc ket nagserbi a chief iti NBI Cybercrime Division a mangidadaulo iti imbestigasyon iti mapapati a pangta ti bise presidente.
Kinuna ni Lotoc a ti finding-da ket nakapan iti investigative report iti NBI maipanggep kadagiti kinuna ti bise presidente iti online press conference.
Segun ken ni Lotoc, inadal dagiti NBI investigator ti content ken context dagiti sarita ni Duterte idi October 18, 2024 ken November 23, 2024, kasta payen ti reaksyon iti mapapati a target ken adu nga ahensia iti gobierno.
