--Ads--
Impaganetget ti Malakanyang a nasken a seryosoen dagiti pangta iti biag ni Presidente Ferdinand Marcos Jr kalpasan a madakamat manen iti impeachment trial dagiti sinarita ni Davao City Mayor Sebastian ‘Baste’ Duterte ken ni Vice President Sara Duterte.
Segun ken ni Palace Press Officer Usec Claire Castro, nabayagen a makaaw-awat iti pangta ti Presidente ket ammoda nga aggapgapu daytoy kadagiti kalabanna iti pulitika.
Kunana a responsibilidad dagiti maseknan nga ahensia a siguradwen ti seguridad ti President ken imbestigaran ti ania man a pangta.
Innayonna a nainget ti seguridad ni Presidente Marcos, ngem no kasapulan a manayonan gapu iti agpampannuray a pangta, nasken laeng a maaramid tapno masigurado ti kinatalged.
-- ADVERTISEMENT --
