VIGAN CITY – Nakasaganan ti Panglungsod na Pederasyon ng Sanguniang Kabataan ti Vigan para iti umadani a Linggo ng Kabataan ita a tawen.
Iti pannaki-uman ti Bombo Radyo Vigan ken ni PPSK Vice president Carl Louie Alquetra, inpanamnamda ti naragragsak ken napimpintas a programa para kadagiti agtutubo ita a tawen.
Kunana nga inton August 10 ti opening ti programa a maangay idiay Caniaw EcoPark a ditoy a mairugi dagiti team building ken seminar series.
Adda pay dagiti dadduma a parograma a nakapila kas ti mangrove planting, Coastal Clean up, Academic contest, Photography contest, ken dadduma pay.
Adda pay maangay a Waste management seminar a dagiti participants ket dagiti Grade 4 aginga Grade 6 iti Mindoro Elementary School ken Jose Singson Elementary School.
Maragasakan met ni Vice President Alquetra iti panagbalin nga aktibon dagiti agtutubo kadagiti maidatdatag nga aktibidad para kadakuada.
