Nagpanawagan ni Senador Kiko Pangilinan a kasapulan nga aggaraw a dagus ti gobierno tapno masigurado ti kinatalged dagiti Pilipino idiay Middle East, kalpasan ti panag-atake ti US ken Israel idiay Iran.
Kiniddaw ni Pangilinan kadagiti Embahada ti Pilipinas iti rehiyon a dagus nga agipatungpal ti crisis protocol para iti mapatta-patta a dua a milyon a Pilipino nga agtar-tarabaho idiay Middle East.
Kalaksidan ti seguridad dagiti Pilipino iti abroad, pinasingkedan ti senador ti dagus a panagresponde iti posible a panagngato ti presio ti krudo iti pagilian.
Segun ken ni Pangilinan, nasken nga ipatungpal ti fuel subsidy para kadagiti tsuper ti tricycle, jeepney ken bus kasta met para kadagiti mannalon ken mangngalap a mangnamnama ti diesel para kadagiti traktor ken bangka da.
