VIGAN CITY – Napagpapatangan iti maipapan ti Rabbit Farming nga agbalin nga alternatibo a pagbiagan dagiti mannalon kas sukat dagiti baboy a naapektaran iti African Swine Fever iti manarimaan a Farmer Summit idiay Pasay City.
Ti pannaki-uman ti Bombo Radyo Vigan kenni Samahang Industriya ng Agrikultura Chairman Rosendo So, nakunana a saan pay laeng a mabalin a maikkan iti baboy dagiti agtartaraken nga immun-unan a naapektaran ti ASF isu a tikitkitaenda ket iti panagtaraken iti rabbit.
Segun kenni So, ti rabbit ket makaanak ti innem a daras kada tawen ket ti anakda ket umabot ti innem agingga sangapulo isu a mabalin nga alternatibo a livelihood dagiti mannalon ta iti laeng uneg ti dua a bulan ket addan iti pastrek da ta mabalin dan nga ilako dagiti taraken da a rabbit.
Addan ti rabit farm a mabalin a pagalaan dagiti mataraken a rabbit a maiwaras kadagiti mapili a benepisyaryo.
