VIGAN CITY – Inlawlawag ni Department of Social Welfare and Development Regional Information Officer Darwin Chan a ti Pangasinan pay laeng kadagiti amin a probinsia ti region 1 ti karaman a maikkan iti 2nd tranche babaen ti Social Amelioration Program gapu ta isu ti naisakup iti enhanced community quarantine idi May 1 agingga May 15.
Iti pannaki-uman ti Bombo Radyo Vigan kenni Chan, ur-urayenda laengen ti guidelines ti Central Office sakbay nga iwarasda ti nasao a tulong pinansial ta naing-ingeten tatta ti panang-validate-da kadagiti benepisyaryo.
Kabayatanna, makaawat payen dagiti wait-listed wenno dagiti additional beneficiary a karaman iti listaan ti local government unit ngem saan a nawarasan iti umuna a paset ti pinansial a tulong agsipud ta addan ti pondo a nailatang para kadakuada.
Impanamnama ti opisial nga insigida nga ipakaammodanto iti publiko no mangrugin iti panagiwarasan ta iti agdama ket yur-urayda pay laeng dagiti pammilin ti ahensia.
