VIGAN CITY– Nalukatanen ti Panganan Festival idiay Narvacan a masarakan iti laud iti merkado-publiko, abagatan ti plaza iti ili, kas paset iti panagselebrar da ti Bagnet Festival 2016.
Mismo a ni Vice Mayor Fayinna Zaragoza iti nanglukat iti daytoy a Panganan Festival a pakasarakan kadagiti naduma-duma a naimas a taraon, a nakipagpasetan saan laeng dagiti agnanaed ti Narvacan ngem dagiti amin a nakaala iti pwesto ken mangayat nga aglako a pakabukaln iti lima pulo a nagpartisipar.
Inaldaw a nakalukat iti nasao a panganan manipud alas nuwebe iti bigat agingga alas dyes iti rabii.
Inpasigurado met ni PC/Insp. James patrick Calibuso, hepe ti PNP-Narvacan, a nakasagana dan iti panagselebrar iti ili ti piyesta ket madaman iti panangtratar da kadagiti plano iti panagbantay dagiti pulis iti intero nga ili, pakairamanan dagiti suldado ken dagiti reservist.
