VIGAN CITY – Saan a parikut ken ni Senador Christopher Bong Go, Chairman ti Senate Committee on Health a maadal ti panangted iti temporary license kadagiti nurse iti pagilian.
Iti exclusive interview ti Bombo Radyo Vigan ken ni Go, saanna a rikpan ti gundaway nga agtalinaed a productive dagiti nurses nga adda gradona a 70-74 agsipud ta mabalinda nga agserbi a nursing assistant iti baet ti kinakurang dagiti nurse ditoy pagilian.
Innayon ni Go a maawatanna ti trabaho dagiti nurse ngem saanna nga ilaksid ti kaadda ti linteg a nasken a masurot ta saanna kayat a maisakripisyo ti kalidad ti serbisyo medikal nga agpaay kadagiti umili agsipud ta biag ken salun-at ti tunggal maysa ti kasukatna.
Nupay kasta, agtultuloy ti panawagan ti senador iti gobierno a maingato ti sueldo dagiti nurse iti pagilian saan laeng a kadagiti adda iti pampubliko nga ospital no di ket uray kadagiti pribado.